Clava La Mazurka souto li pin
   
Venès que l'ouro s'avanço,
Es fèst' au mas d'Escanin,
La mazurka, gènto danso,
La faren souto li pin.


Galànti chatouno,
Amourous jouvènt,
La roso boutouno,
Ansin nous counvèn.
Au-jour-d'uei qu'es fèsto,
Anen la culi,
Qu'en danso moudèsto
Devèn trefouli.
(Refrin)

Lou bèu musicaire,
Bèn estigança,
Fau que tarde gaire,
Déurié coumença.
Devers lis Aupiho,
Vès lou tambourin,
Acò nous reviho
E nous bout' en trin.
(Refrin)

Coulourid' o palo,
Dins l'èr perfuma,
Li man sus l'espalo,
Quau pòu nous bleima !
Dansant en mesuro,
Is iue di parènt,
Souto la verduro,
Res nous dira rèn.
(Refrin)
La font de l'Arcoulo
Que coul' à grand rai,
L'auro iè ventoulo
Li pib' e li frais ;
Au rièu que clarejo
En coulour d'argènt,
Ges d'àutris enjevo
Que bèur au sourgènt.
(Refrin)

Oh ! Que saren bello,
Dins lou fres valoun,
Largant li trenello,
De nòsti péu blond.
En floutant à rèire,
Li jouvènt, alor,
Éli creiran vèire
De garbello d'or.
(Refrin)

La danso finido,
Vendren à parèu,
Dedins la bastido,
Souto lou castèu.
En rejouïissènço,
Béuren lou muscat
Pèr la souvenènço
De la mazurka !
(Refrin)



Musico : La pichona apropiadissa.
Paraulo : Charloun RIEU.
 
copyright 2007 © Webmaster Roch-Thy